आदिवासी कल्याण मंत्री हांचो संदेश
श्री. रमेश तवडकार
दारिद्र्य आनी शोशण, अर्थीक आनी तंत्रीक रितीन फाटीं उरिल्ले, समाजीक-सांस्कृतीक उपहास ह्यो गोंयच्या आदिवासी समुदायाच्यो कांय समस्या आसात. स्वताचे भुंये पासून वेगळो जाल्ल्या आदिवासी समाजाक दुर्लक्षीत करप चालूच आसा. गोंयच्या आदिवासीचो सांस्कृतीक इतिहास व्हड आनी समृद्ध आसा आनी तांणी गोंयच्या राजकीय, अर्थीक आनी समाजीक विकासांत सातत्यान योगदान दिलां. आमच्या आदिवासी समाजांतल्या वंचीत वांगड्यांच्या जिवितांत बदल घडोवन हाडपाचो आमचो यत्न आसा आनी गोंयच्या अनुसुचीत जमातीचे उन्नती खातीर बरी सेवा दिवपाचे आमचे यत्न चालूच दवरप आमचें उद्दिश्ट आसा.